Gipanindugan sa National Union of People’s Lawyers (NUPL) nga tinuod nga adunay nagakahitabo nga reward system ilawom sa Duterte administration.
Sa interview sa Bombo Radyo kay Atty. Joebert Pahilga, founding member sa NUPL, iyang gibutyag nga ang mga dokumento og testimonya gikan sa imbestigasyon sa QuadComm sa Kamara ang nagapakita sa klaro nga sitwasyon sa reward system sa mga pulis ilawom sa war on drugs ni kanhi President Rodrigo Duterte.
Kini bisan ug gipanghimakak sa mga kaalyado ni Duterte nga silang Senador Ronald dela Rosa og Senador Bong Go nga walay kamatuoran ang reward system.
Sumala kang Pahilga, ang nasampit nga sistema ang wala lang basta naga-exist, tungod mismo ang Malacañang ukon ang Duterte administration ang nanguna niini.
Bisan si Pahilga ang makapamatuod niini tungod adunay himata kini nga gipatay sa mga pulis sa Antique, apan wala nahatagan og hustisya.
Kahinumduman nga gibutyag ni retired police officer og Philippine Charity Sweepstakes Office General Manager Royina Garma, nga adunay sistema sa paghatag og reward sa pagpatay sa mga drug suspect nga gihangyo kaniya ni Duterte nga mangita og opisyal nga magpatuman og “Davao model” sa war on drugs sa nasod.
Kahibaluan nga si Duterte ang dugay usab nga nahimong mayor sa Davao City og midaog isip presidente sa nasud kaniadtong 2016.
Subli kining magpapili sa pagka-mayor sa Davao sa 2025 elections.
