Malinawon nga natapos ang ‘National Rally for Peace’ nga gipahigayon sa kadagkoan sa Iglesia ni Cristo (INC) alas 5:20 sa hapon.
Usa kini sa 13 ka sitio nga gipahigayon sa INC og nationwide rally sa tibuok nasud diin midagsa usab ang mga sakop niini sa Sports Complex sa Ilagan City, Provincial Capitol sa Palawan, Sawangan Park sa Legazpi City, Freedom Grandstand sa Bacolod City, Ormoc City.
Plaza sa Leyte, South Road Properties (SRP) Grounds sa Cebu City, Pagadian City Proper sa Zamboanga del Sur, Plaza Divisoria sa Cagayan de Oro City, San Pedro Square sa Davao City ug Butuan
Samtang, nanghinaot ang Malacañang nga ang ‘National rally for peace’ maghatag ug kahayag sa mga isyu nga giatubang sa nasud.
Gipasiugda sa atong mga kaigsoonan sa INC ang kamahinungdanon sa panaghiusa ug kalinaw taliwala sa kagubot sa politika sa nasud.
Matod ni Kapatid na Aileen kinsa usa sa nahinabi sa Bombo Radyo nga nagdumili sa paghatag sa apelyido ug lugar diin kini natala.
“Kini usa ka maayo kaayo nga kasinatian alang kanamo tungod kay bisan unsang paagiha nakahimo kami (gipakita) kung unsa ang among gireklamo o kung unsa ang among gibati bahin sa kahimtang sa among nasud,” ingon niya.
Ang liderato sa Society Communicator and Network International (SCAN) units sa INC padayong nag-verify kung pila sa mga miyembro niini ang nahatagan og medikal nga tabang.
Bisan og wala pay gipagawas nga numero ang pamunuan sa INC, nagdumili sila sa pagpa-interview sa Bombo Radyo, sanglit alas 6:00 sa buntag (Enero 13, 2025) nangabot ang mga sakop niini, wala silay natala nga kaso sa pagka- nasamdan o nalipong hangtod nga matapos karong adlawa.
