GENERAL SANTOS CITY – Nasuta nga ang national highway sa dakbayan ang accident prone areas base sa ilang talaan ning tuiga.
Matud pa kang P/ Lt. Col Dominador Palgan, ,labaw sa Traffic Enforcement Unit sa dakbayan nga kasagaran mahitabo ang aksidente sa Calumpang, Fatima, Baluan, Bula, Mabuhay og uban pa.
Sa iyang pamahayag nga bisag adlaw daghan usab ang natala nga aksidente sa kadalanan.
Kahibaluan nga miubos ang natala nga vehicular accidents ning tuiga itandi sa 2021.
Gibutyag nga anaa sa 298 ka vehicular accidents ang natala gikan Enero 1 hangtud Marso 17, 2022.
Samtang anaa sa susamang panahon sa miaging tuig anaa sa 317 ang natala.
Gibutyag ni Palgan nga ang kasagarang rason nganong nahitabo ang disgrasya gumikan naka-inum og bino ang driver, paspas ang pagmaneho og sakyanan, wala gadistansya sa gisundan nga sakyanan hinungdan nga mabangga kung magbreak gilayon.
