Giimbestigahan na sa mga otoridad ang natigayong pagpatay sa national athlete nga si Mervin Guarte.
Si Guarte gipatay samtang natulog kaganiha sa Calapan City, Oriental Mindoro.
Ang 33-anyos nga multi-medalist og miyembro sa Philippine Air Force (PAF) gituohang giatake sa suspek samtang natulog sa balay sa usa ka opisyal sa barangay.
Usa ka wala maiIhing suspek ang misulod matod pa sa balay niini og gidunggab si Guarte sa dughan una misibat, base usab sa inisyal nga imbestigasyon sa Philippine National Police (PNP) MIMAROPA.
Gikondena ni Oriental Mindoro Governor Humerlito Dolor ang pagpatay og gipasalig ang paspas nga pagkab-ot sa hustisya.
Nagpaabot usab og pahasubo ang Philippine Sports Commission (PSC) sa kalit nga pagkamatay sa SEA Games goldmedalist nga si Guarte.
