GENERAL SANTOS CITY – Temporaryo nang gawasnon si kanhi Negros Oriental Governor Pryde Henry Teves, ang igsuon ni kanhi Congressman Arnolfo Teves Jr. human nakapyansa og P200,000.00
Kahinumduman nga nasikop ang maong gobernador bandang alas 8:15 ang takna sa buntag kagahapong adlawa sa may Dr. Vicente Locsin St., Brgy. Taclobo, Dumaguete City, Negros Oriental.
Ang pagsikop sa maong opisyal, mugna sa napamatud-ang paglapas niini sa Terrorism Financing Prevention and Suppression Act of 2012.
Si Pryde Henry, numero uno sa listahan sa mga wanted person sa Provincial ingon man Regional Level.
Nakapyansa kini tungod kay ang gibasehan sa iyang kaso mao man ang balaod man nga napasar niadtong 2012, samtang ang Anti-terror law nga gipirmahan ni kanhi Pangulong Rodrigo Duterte, mahimo kining madetine sulod sa 24 ka mga adlaw bisan wala pa napamatud-i ang kaso batok niini.
