GENERAL SANTOS CITY– Usa ka narcopolitician ang nasikop sa dungan nga search warrant operations sa pagsupak sa Republic Act 9165 nga gipahigayon sa hiniusang pwersa sa mga otoridad sa Brgy. Balacayon, Pigcawayan, Cotabato Province.
Matud pa ni Katryn Gaye J. Abad, information officer III sa PDEA12, target sa operasyon ang incumbent Barangay Captain og iyang kabanay og usa ka babayeng Barangay Kagawad, nga nalambigit sa pagnegosyo og illegal nga druga sulod na sa pipila ka bulan hinungdan nga anaa sa drug target-list.
Ang search sa panimalay ni Brgy Captain Daidtog Samama alias Degs, kung asa nahimong nakasibat sa nasampit human nga nakamatikod sa presensya sa otoridad, nagresulta sa pagkarekober sa 15 gramos sa suspected shabu nga may gibanabanaang balor nga P102,000.00.
Samtang sa pinuy-anan ni Brgy. Kagawad Imelda Matulik Alias Melda, kung asa nagpabiling gipangita sa balaud nakarekober og duha ka gramos sa shabu nga kantidad og P13,600.00.
Ang suspects nga silang Nasrudin S. Usman og Mohaiman M. Sabang ang nasikop sa operatiba dihang nakumpiska kanila ang 15 gramos sa suspected shabu dihang gi-search usab ang ilang tagsa ka balay.
Apan ang ilang kauban nga si Impang Baraguer Samama, kabanay ni Brgy. Captain Degs ang nakasibat.
Sa pamahayag ni Abad nga giandam na ang kaso kalabutan sa pagsupak sa Section 11, Article 2 sa RA 9165 batuk sa mga suspek.
