Gisugdan na sa National Police Commission (NAPOLCOM) ang imbestigasyon sa kaso sa mga “missing nga mga sabungero” gumikan sa migawas nga report nga may mga pulis nga nalambigit sa maong isyu.
Sumala ni NAPOLCOM Vice Chair ug Executive Officer Atty. Rafael Calinisan, nga gimanduan ang Inspection Monitoring Investigation Service aron imbestigahan ang kaso sa mga missing nga sabungero.”
Nagsugod ang imbestigasyon sa NAPOLCOM human gibutyag ni alyas “Totoy,” usa sa mga akusado, nga adunay kapin 20 ka pulis nga nalambigit sa kasong kidnapping.
Nakig-alayon sila sa ubang mga ahensya sa pagpangpatuman sa balaod alang sa ilang imbestigasyon.
Giklaro pa ni Calinisan nga samtang ang ubang law enforcement agencies gatutok sa kriminal nga aspeto sa kaso, ang NAPOLCOM magtan-aw sa posibilidad nga pagsang-at og mga kasong administratibo batok sa mga pulis nga posibleng nalambigit.
Dugang pa niya, kung mapamatud-an nga dunay mga pulis nga nakalapas, andam sila nga ipatuman ang labing bug-at nga nga silot.
