GENERAL SANTOS CITY – Nagpabiling balhug sa selda ang nagpangalan og Yasser Sumael, 25 anyos, human nga nasikop sa raid sa kapulisan sa Blk 2 Brgy Fatima ning siyudad.
Si Sumael, anak sa unang bana sa napatay sa raid niadtong Sabado nga si Juliet Betayo.
Uyuan ni Sumael ang tag-iya sa balay nga gironda sa GSCPO og PDEA nga giila nga si Michael Sepi nga target usab sa operasyon apan wala kini sa ilang balay sa dihang gipahigayon ang raid.
Narekober sa kapulisan ang usa ka fragmentation grenade, pipila ka mga bala og 3.5 gramo sa gituohang shabu nga may street value nga kapin P40,000.
Gibutyag sa kapulisan nga anaa sa watchlist silang Sepi og Sumael.
Una ng miangkon si Sumael nga kanhi supplier sa droga ang inahan niini apan mihunong na matud pa og nagtukod og gamay nga negosyo.
Samtang, ang kanhi kagawad sa Palimbang nga si Noren Apil ang narco-politician, matud sa mga otoridad, samtang anaa sa watchlist ni Duterte ang live-in partner niini.
Gihikay na karon sa kapulisan ang kasong ipasaka batuk batok kang Sumael og Michael Sepi sa paglapas sa possession of dangerous drugs og possession of ilegal firearms
