Nakabawi sa unang pagkatumba ug napabilin ang Undisputed Super Bantamweight title sa Japanese boxer nga si Naoya Inoue sa iyang away kontra kang Ramon Cardenas.
Bisag nakurat ang boxing fans dihang gipatumba ni Cardenas si Inoue sa ikaduhang round gamit ang usa ka kusog nga left hook, gilayon nga nakabangon ang Japanese fighter ug nakag-adjust sa iyang estratehiya.
Human ang knockdown, gipalig-on ni Inoue ang iyang depensa ug nagsugod nga magbuhi ug grabeng atake, rason aron mapugos nga mag-focus si Cardenas sa depensa.
Sa Round 7, nahimo nga magpatumba si Inoue kay Cardenas gamit ang sunod-sunod nga straight right punches, apan nahimo gihapon niini nga mutindog.
Sa Round 8, natuklod ni Inoue si Cardenas sa pisi ug nagbuhi ug kusog nga kumbinasyon rason aron gihunong sa referee ang away.
Sa ulahi, daog si Inoue pinaagi sa TKO sa Round 8 (0:45), ug padayon niya nga nadugangan ang iyang knockout streak sa 11.
