GENERAL SANTOS CITY – Gireklamo na sa National Bureau of Investigation (NBI) ang nagpangalan nga si Alex Blancaflor nga taga Buayan ning syudad.
Kini human nga daghan ang nailad kalabutan sa iyang gitanyag nga mga motorsiklo.
Matud pa ni Roger Bongcawil, usa sa biktima nga nailhan niya si Blancaflor pinaagi sa gipost sa social media sa gibaligya nga motorsiklo.
Wala niya nauyonan ang maong motorsiklo kung asa pinaagi sa nahisgutang transakyon nailhan niini si Blancaflor.
Hangtud nga mitanyag kaniya nga may ibaligya nga motorsiklo pinaagi sa auction sale sa Land Transportation Office ( LTO) sa impounding area.
Gumikan barato naengganyo ang nasampit og naghatag og P20,000.
Gikadugang pa niini nga Enero 10, 2022 ang unang saad nga makuha ang motorsiklo hangtud nga sige nasibog og wala na nagpakita si Blancaflor.
Sa dihang miadto siya sa impounding area wala na ang maong motorsiklo.
Gibutyag pa niini nga gihatagan siya ni Blancaflor apan nasayran nga peke diay ang iyang nahuptan .
Tungod niini ilang girekkamo si Blancaflor aron nga maundang na ang pagpangilad sa katawhan.
