Hingpit ng nahimong bagyo ang namonitor nga Low Pressure Area sa sulod sa Philippine Area of Responsibility.
Kini ang una nga bagyo nga naporma sa sulod sa teritoryo sa nasud ning tuiga ug tawgon nga bagyong Aghon.
Base sa datos sa Bombo Weather Center, ang mata sa bagyo ang kasamtangan nakita sa gilay-on nga 340 km sa Sidlakan nga bahin sa Hinatuan, Surigao del Sur.
Dala niini ang kusog sa hangin nga muabot sa 45 km/h duol sa tunga ug may paghaguros nga muabot sa 55 km/h.
Kasamtangan kining milihok paingon sa Kasadpan Amihanan kasadpan sa gipaspason nga 30km/h.
Tungod sa maong bagyo, mahimong makasinati ug mga pag-ulan nga may kauban nga tayhop sa hangin ang Eastern Samar ug Dinagat Islands.
Mapanganuron nga kawanangan nga may katag katag nga pag-ulan ug pagdalugdog ug kilat usab ang magpasulabi sa Bicol Region, Northern Mindanao, Davao Region, ug nahibiling bahin sa Visayas ug Caraga Region.
Easterlies usab ang makaapekto sa Metro Manila ug nahibiling bahin sa nasud hinungdan lauman gihapon ang madag-umon nga kalangitan nga may katag-katag nga mga pag-ulan o pagdalugdog og kilat hilabina sa hapon og gabie.
Sa karon, nakataas ang Tropical Cyclone Signal Number 1 sa Eastern Samar, Dinagat Island, Siargao Island ug Bucas Grande Island.
Base sa gipakitang track niini may posibilidad nga magland fall kini sa may bahin sa Eastern Samar.
Mahimong mapanganuron usab sa pipila ka lugar sa Bicol Region pag-abot sa weekend tungod muduol kini sa rehiyon una hingpit nga magbag-o ug direksyon.
Gipaabot usab nga mugawas kini sa Philippine Area of Responsibility sa Miyerkules sa musunod nga semana.
