Gikumpirma mismo ni Capt. Jonel Castillo, Civil-Military Operations Officer sa 901st Brigade Philippine Army nga si Myrna Sularte, o mas naila nga si Ka Maria Malaya, ang top leader og secretary sa communist terrorist groups’ (CTG) Northeastern Mindanao Regional Committee (NEMRC) nga miyembro usab sa Political Bureau ng Communist Party of the Philippines (CPP), ang napatay sa engkuwentro batok sa tropa sa gobyerno sa bukiron nga bahin sa Sitio Imelda, Barangay Pianing, Butuan City, Pebrero 12, alas 1:20 sa hapon.
Una nang natigayon ang sunod-sunod nga engkwentro nga nagsugod alas 6:10 sa buntag og alas 6:30 sa buntag kung asa narekober sa tropa ang nagkadaiyang gamit nga panag-iya sa grupo ni Malaya.
Sa kaulahian, unang gipabuthan ang mga sundalo hinungdan nga natigayon ang engkwentro nga misangko sa pagkamatay ni Ka Maria Malaya samtang dugang mga gamit usab ang nakuha.
Si Maria Malaya ang asawa sa namatay nga si Jorge “Ka Oris” Madlos, usa ka prominenteng tawo sa New People’s Army (NPA) National Operations Command (NOC), ang napatay niadtong Oktobre 2021 sa engkuwentro nga natigayon sa Bukidnon.
Milihok si Maria Malaya sa Caraga Region og Northern Mindanao, kung asa siya matod pa ang responsable sa daghang atrocities sama sa pagpatay sa mga sibilyan, pagguba sa mga proyekto sa gobyerno og uban pang dili nindot nga gimbuhaton sa mga probinsya sa Surigao og Agusan.
Si Malaya ang taga Bayugan City, Agusan del Sur, nga nalista isip most wanted NPA leaders sa nasod.
Nag-atubang kini og mga kasong kriminal sama sa rebellion, murder, multiple murder og frustrated murder.
