GENERAL SANTOS CITY – Kustodiya na karon sa PNP-Explosive Ordnance Division ang IED og component nga nakumpiska sa kampo matud pa sa ISIS inspired group sa gipatuman nga warrant of arrest sa usa ka target sa Brgy. Lapu, Polomolok south Cotabato.
Matud kang PSupt Aldrin Gonzales, tigpamaba sa PRO-12, lakip niini ang duha ka gidudahang IED, mga gamit paghimo ug bomba gawas sa duha ka ka itum nga tshirt nga adunay printa nga ISIS samtang ang cellphone giturn-over sa Anti Cyber Crime Group aron masuta.
Gibutyag sa opisyal, target sa operasyon sa Regional Mobile Force Battalion-12 si Joeffrey Tuanadato Nilong alias Imoy tungod sa standing warrant of arrest sa kasong paglapas sa Comprehensive law on Firearms and Ammunition apan nakaikyas kini og ang mga kaubanan. Base intelligence information nga apil si Nilong sa grupo ni Tokboy Maguid, ang namatay nga lider sa Ansar al-Khilafah Philippines.
Hinuon, giklaro sa kapulisan nga dili tanang nag-apelyidong og Nilong ang adunay rekord og nalambigit sa maong teroristang grupo.
Nagpadayon ang hot pursuit operation sa mga otoridad batok kay Jeoffrey Nilong og sa mga kauban.
