GENERAL SANTOS CITY – Gikalipay sa DOH-12 tungod nadugangan og siyam(9) ang ihap sa mga nakarecover sa coronavirus disease sa Rehiyon 12.
Sa karon anaa sa 253 ang total recoveries sa katibok-ang Rehiyon samtang mukabat na sa 363 ang katibok-ang kaso sa covid 19 sa SOCCKSARGEN og nagpabilin sa gihapon nga lima ang natala nga namatay kung asa duha sa North Cotabato ug tulo sa Sultan Kudarat.
Sa karon nanguna sa pinakadaghan nga kaso ang Probinsya South Cotabato nga adunay 85 kung asa 59 ang nakarecover.
Gisundan kini sa probinsya sa Sarangani nga nakatala ug 72 ka kaso samtang 54 ang nakarecover.
Ikatulo ang Sultan Kudarat nga adunay setenta ka mga kaso 58 ang nakarecover. Gisundan sa North Cotabato ug General Santos nga adunay tig 50 ka mga kaso kung asa ang dakbayan sa GenSan 19 ang nakarecover samtang North Cotabato adunay 35 ang mga nakarecover.
Ang Cotabato City adunay 36 ka mga kaso kung asa 28 ang nakarecover.
