Nakagapos nga duha ka lalaki, nakaplagan nga patay sa Pikit, Cotabato

Padayon ang imbestigasyon sa mga otoridad sa nakaplagan nga lawas sa duha ka indibidwal sa boundary sa Barangay Nalapaan ug Barangay Panicupan sa Pikit, Cotabato nga ginatoohang biktima sa summary execution.

Sumala sa una nga nakakita sa mga bangkay, nakaplagan kini nga nakagapos ang mga kamot sa likod ug may higot ingon man daghang samad pinusilan sa nagkadaiyang parte sa ilang kalawasan.

Wala pa mailhan ang identity sa mga biktima ug ang ilang nahimutangan.

Matod sa mga opisyal sa barangay, posibleng gikidnap ug gilabay sa maong dapit ang mga biktima.

Nakig-alayon na karon ang mga otoridad sa Police Regional Office-Bangsamoro Autonomous Region ug Cotabato Provincial Police Office aron mailhan ang mga biktima ug masuta ang motibo sa krimen.