Mikabat na sa hapit usa ka milyon ka mga Pilipino ang naka-benepisyo sa P20 matag kilo sa bugas nga programa sa administrasyon ni President Ferdinand Marcos Jr.
Sumala pa sa Department of Agriculture, mokabat sa 2,105 metric tons nga barato nga bugas ang nabaligya na ngadto sa kapin 200,000 ka mga panimalay, base sa datos niadtong Hulyo 14.
Sa pagkakaron, anaa na ang P20/kilo nga bugas sa 162 sa 699 ka mga operational nga Kadiwa ng Pangulo (KNP) centers ug tindahan sa tibuok nasud.
Matod pa ni DA Assistant Secretary Arnel de Mesa, tumong nga maapil sa programa ang kapin 15 million nga benepisyaryo ilabina ang mga senior citizens, persons with disabilities (PWDs), solo parents, mga benepisyaryo sa 4Ps, ug Walang Gutom Program, apil na usab ang mga minimum wage earners.
Department of Agriculture
P20 Kilo bugas
Pilipinas
Pilipino
