Gipanghimakak ni Engr Jose Caesar sa Butuan City District Engineering Office nga ilang proyekto ang gipagawas sa Philippine Anti-Corruption Czar (zar) kon PACC nga mao ang nahugmak nga Dankias–Danapa road concreting project gikan sa Purok 3 ngadto sa Purok 7, Barangay Dankias, ning siyudad sa Butuan, usa ka buwan lang human kini nakompleto. Local business directories
Sa eksklusibong pakighinabi sa Bombo Radyo Butuan, gipadayag sa opisyal nga ang gi-post nga mga detalye sa PACC, ilang proyekto apan dili mao ang mga hulagway niini sama sa nakankan ug nangabu-ak nga sementadong dalan.
Gipasabot niining sayop technically ang maong post tungod kay dili sila ang nagpatuman sa nahugnong proyekto kondili ang Department of Public Works and Highways kon DPWH-Caraga.
Giklaro usab niini nga ang proyektong Dankias-Danapa road concreting duna’y duha ka contractors kondiin ang ila nga duna’y span na 200-metros natapos na. Radio broadcasting equipmentLocal business directories
Na-angin lang matud pa kini tungod kay ang ila mang billboard sa maong proyekto ang nagpabilin sa maong lugar samtang ang sa kasikbit nila, posibleng nahugno usab uban sa nakankan nga dalan rason nga ang ila maoy nakuhaan og hulagway.
Hinuon ang nahugno nga portion sa dalan, gisugdan na usab pag-repair sa contractor niini.
Giklaro usab ni Engr Radaza nga wala’y mga personahe gikan sa bisan asang buhatan sa gobyerno nga miduol sa ilang buhatan aron pangutan-on kalabot sa maong proyekto adiser kini gi-post sa social media.
Aminado siyang duna’y kagawasan sa pagpadayag ang tanan rason nga kung unsa lang ang nakuhang sitwasyon sa maong dalan, maoy gi-post sa social media nga wala man lang sila kuhai og panig aron maklaruhan ang tanan.
