Gibanabana ni Senador JV Ejercito nga adunay 15 ngadto sa 16 ka mga senador ang nipirma sa resolusyon nga nagsuporta kang Senate President Chiz Escudero sa 20th Congress.
Matod ni Ejercito, niadtong miaging buwan samtang nagbakasyon ang Kongreso, niabot sa iyang lamesa ang resolusyon nga nagpadayag og suporta kang Escudero nga magpadayon sa iyang posisyon.
Matod sa senador nga inig-abli sa unang regular session sa 20th Congress, ipagawas na ang resolusyon ug kon walay mosupak niini, adunay eleksiyon alang sa bag-ong Senate president ug ang mapildi awtomatik nga mahimong minority leader.
Kon moabot sa 18 ang ilang gidaghanon, matod niya, way duda nga si Escudero maoy mokuha sa supermajority.
Bisan og posibleng factor ang committee chairmanship mao nga gusto sa mga senador si Escudero, apan bisan wala niini, gikuha na ni SP Chiz ang mayorya sa mga senador.
Si Ejercito mihimakak nga ang impeachment batok kang Vice President Sara Duterte dunay kalabotan sa pagpili sa mga senador kang Escudero.
