GENERAL SANTOS CITY – Mihinay ang buot magparehistro sa Commission on Election human miluag ang buhatan niini sa dakbayan sa mga buot mukuha ug papeles samtang nagapadayon ang gipahigayon nga registration alang sa 2022 nga election.
Matud kang Atty April Miguel ang labaw sa COMELEC sa dakbayan nga sugod Enero hangtud Pebrero 20 karong tuiga gamay lamang ang miadto sa ilang buhatan.
Uban matud pa mibalhin sa ilang registration, samtang adunay pipila ang nagpa-usab sa ilang registration.
Gikumpara pa niini nga kaniadto naghinobra ang buot magparehistro sa ilang apan karon luag na kaayo ang ilang buhatan nga nahimutang sa ubos nga bahin sa barangay hall sa Dadiangas West.
Kahibaluan nga nagsugod ang registration Enero 20 ug mahuman sa Septembre 30, 2021 samtang ang sunod nga election ipahigayon sa Mayo 9, 2022.
