GENERAL SANTOS CITY – Anaa sa kustudiya sa mga otoridad ang mga naaresto gumikan sa pagpalusot sa mga sumggled nga mga produkt gikan sa Indonesia.
Ang mga sakop sa Sarangani Maritime Police og Glan Municipal Police Station ang nagdakop kang si Ronald Melluga Baay, 43 anyos residente sa Purok Saeg, Calumpang ning syudad.
Namatikdan sa mga operatiba sa Sarangani Maritime Police samtang gapahigayon og Seaborne Patrol Operation sa dihang namatikdan ang bangka nga gimanehuan ni Baay.
Matud pa nga giadtuan ang nasampit gumikan sa kadudahang kalihokan niini og didto nasayran nga karga sa bangka ang mga smuggled nga produkto.
Narekober gikan sa dinakpan ang 20 ream sa sigarlyong Gudang Garam, 5 ka rubber matting, 16 ka engine oil og kwarta gikan sa Indonesia.
Walay dokomento nhga gihuptan si Baay nga gituohan nga dad-on sa syudad sa Heneral Santos ang maong mga kargamento.
Kahibaluan nga ang maong aktibidad ang dili kini bag-o sa syudad og sa Sarangani gumikan daghan ang gahimo sa ingon.
Kini gumikan duol lang ang lugar sa Indonesia hinungdan nga daghang makit-an nga mga smuggled nga Indonesian products sa lugar.
