GENERAL SANTOS CITY– Bisan pa og makumpirma sa Philippine Drug Enforcement Agency nga tinuod nga miyembro sa Moro Islamic Liberation Front ang dinakpan sa buybust operation sa Banisilan, North Cotabato mag-atubang gihapon kini og kaso.
Giila ni PDEA-12 Spokesperson Kath Abad ang suspek nga si Hasanor Moctar, 29 anyos og residente sa Barangay Manilagro, Wao, Lanao del Sur.
Matud niini, kumpirmahon pa sa ilang ahensya kung MILF member ba ang dinakpan basi sa pagpaila niini dihang nakorner sa otoridad.
Dugang ni Abad, ang suspek usa ka high-value nga drug pusher kung asa nakumpiska kaniya ang 50 gramo sa matud pa gituohang shabu nga nagkantidad og kapin o kulang P350,000.
Giandam na ang kasong pagsupak sa Dangerous Drugs Act of 2002 ang suspek nga balhog karon sa selda.
Sa pamahayag ni Abad, padayon ang pagmonitor nila sa zmga nalambigit sa iligal nga droga luyo sa nasinatiang pandemya tungod sa COVID-19.
