GENERAL SANTOS CITY -Layo nga mahitabo sa Sarangani Bay ang nahitabo sa Boracay tungod sa problema sa mga basura nga nagresulta sa pagpasirado sa isla.
Kini ang reaksyon ni Iskak Dipatuan sa Protected Area Management Board (PAMBI) Sarangani kalabot sa Boracay Issue.
Gibutyag niini sa Bombo Radyo, dako ang kalahian sa Sarangani Bay sa Boracay kini tungod una, ang isla hilabihan kataas ang tourism activity apan dili kaayo taas ang law enforcement sa environmental laws.
Samtang sa Sarangani, adunay mekanismo sa pagdumala sa kadagatan og natutukan pagmaayo ang tanang posibleng source sa polusyon.
Gikadugang pa ni Dipatuan nga hugot nga gimonitor sa PAMBI kung compliant ang mga stakeholders sama sa mga establisiemento, beach lakip ang mga fishpond operators sa ilang waste water discharge sa Sarangani Bay.
Sa iyang pamahayag, “in-place” ang pagdumala sa tanang LGU sa Sarangani sa ilang hurisdiksyon sa pagpatuman sa environmental laws.
Sumala pa nga sa Glan, sa karon adunay appropiations sa SB nga pondohan ang waste water treatment sa palengke sa munisipyo.
