GENERAL SANTOS CITY – Kinse na ka kasong syndicated estafa ang giatubang nga kaso ni BJ Kevin Mancao, 25-anyos, taga New Society, Barangay Apopong ning dakbayan nga usa sa mga incorporators sa ALAMCCO.
Kini human nga naaresto sa mga otoridad si Mancao sa Maasim, Sarangani Province.
Ang ubang mga warrant of arrest ang gisilbi na kang Mancao samtang anaa na sa sulod sa bilangguan.
Kahibaluan nga walay pyansa nga girekomenda ang korte sa kasong giatubang ni Mancao alang sa iyang termporaryong kagawasan.
Hinoon malaunon ang mga investors nga lakip madakpan ang mismong founder sa ALAMCCO nga si Jerson Cagang kauban ang mga tag-as nga mga opisyal niini nga maoy nagdala sa binilyon ka pesos nga kwarta sa mga investors.
Kahinumduan nga sunod-sunod nga nagreklamo sa korte ang mga biktima sa investment scheme human nanirado ang ALAMCCO og wala na nakahatag sa 40% nga interes kada bulan.
