Gusto sa usa ka senador nga magtukod ug prayer room alang sa igsuong Muslim sa tanang pampublikong buhatan pinaagi sa Senate Bill NO. 228.
Sa maong pamahayag, gisugyot ni Senador Mark Villar ang Act Mandating the Establishment of Muslim Prayer Rooms sa tanang Public Offices and Establishments nga kasamtangang pending sa komite.
Ang sugyot nagkinahanglan sa tanang publikong buhatan ug establisemento sa tibuok nasod nga magtudlo ug magtukod ug bulag nga Muslim prayer room sa lugar ug pag-atiman.
Ang Senate committee on cultural communities and Muslim affairs nahuman na sa pagdungog sa proposal.
ang senador nagpasalamat sa kahigayonan nga isulong ang sugyot ngadto sa komite ug sa pag-imbitar sa pipila ka importanteng resource persons sa Muslim community.
