GENERAL SANTOS CITY -Ipahigayon na ang baynte-uno diyas nga kwarantinas sa mga muoli nga Locally Stranded Individual(LSI) og Returning Overseas Filipino kun ROF sa dakbayan.
Kini ang nahimong pamahayag ni City Health Office Department Head, Dr. Rochelle Gajete-Oco kabahin sa sa gataas nga kaso sa coronavirus disease 2019 sa GenSan og sa tibuok rehiyon dose.
Gibutyag ni Dra. Oco nga tumong niini aron masiguro ang kaluwasan sa matag Heneral og dili na usab mukatag pa ang maong makamatay nga sakit.
Nasuta nga misaka pa sa 195 ang kumpirmadong kaso sa covid19 sa Soccsksargen human nga nadugang ang 11 ka tao.
Pinakabata ang lima ka bulan nga batang lalaki kung asa giimbestigahan pa kung unsa na-expose sa virus ang nasampit.
Sa onse nga bag-ong nagpositibo kagahapon, lima ang residente sa GenSan nga kasamtangang naka-quarantine luyo nga stable na ang mga kahimtang sa panglawas.
Ang mga nasampit nga pasyente ang pulos gikan sa Metro Manila.
Hinungdan nga sa karoan, misaka na sa 21 katao ang kumpirmadong natakbuyan sa covid19 apan upat ang nakarekober na
