GENERAL SANTOS CITY –
Gitimbaya sa mga taga Malungon Sarangani Province si Municipal IPMR, Bong Fulung – Datu Edmund Pangilan, nga napili nga National President of the Indigenous Peoples Mandatory Representatives (IPMR) sa gipahigayon nga League of the Philippines IPMR Summit .
Napili si Pangilan sa bag-uhay nahuman nga Summit sa National Commission on Indigenous Peoplesdidto didto sa Quezon City. Tumong sa IPMR Summit aron pagmugna ug National IPMR League alang sa kamugnaan ug network sa IP Representatives alang sa pagpasibaw sa tingog sa mga IP’s sa nasud pinaagi sa hisgutanan sa kamugnaan sa regional, provincial, local, nga plano alang sa kalinaw ug kalambu-an sa mga tribu.
Kanunay mahimong sentro sa hisgutanan sa mga IP’s ang kalabutan sa Ancestral Domains/Ancestral Lands sa nasud.
Giapilan ang summit sa 97 ka mga IPMRs gikan sa nagkadaiyang Local Government Units lakip ang NCIP sa pagpanguna ni Chairperson Allen Capuyan kuyog ang unom ka Ethnographic Commissioners, Bureau Directors, ug Regional Directors.
