GENERAL SANTOS CITY – Mukabat sa 200 ka mga dolphins ang nakit-an sa miaging May 12 hangtud 13, 2021 sa Sarangani Bay atol sa regular marine mammal monitoring activity sa Protected Area Management Office of Sarangani Bay Protected Seascape (PAMO-SBPS) og mga partners.
Kauban sa maong ahensya ang Bureau of Fisheries and Aquatic Resources (BFAR ) Region 12 og uban pa nga ipakita ang kaanindot sa Sarangani Bay.
Gibutyag nga anaa sa 150 hangtud 200 individuals sa Spinner dolphins og Risso’s Dolphins ang nakit-an sa kadagatan sa Alabel, Sarangani Province atol sa duha ka adlaw nga monitoring sa protected seascape.
Matud pa nga ang spinner dolphins ang aktibong galihok sa kadagatan apan ang risso’s dolphins ang gatapok nga gapainit ilawom sa sidlak sa adlaw.
Ang maong aktibdidad ang kabahin sa kasaulogan sa Month of the Ocean ning bulan sa Mayo nga may tema nga “The Science We Need for the Ocean We Want.”
