GENERAL SANTOS CITY – Mapasalamaton si Richein Yosores, gold medalist sa muay thai sa Vietnam Sea games sa tanan nga mitabang kaniya aron nga maangkon ang gipangandoy nga kadaugan.
Matud pa ni Richein nga bisag unang higayon nga miapil sa international competition gipakita ang iyang labing maayong abilidad hinungdan nga naangkon ang gold medal.
Matud niini nga nag-audition kini online og nakuha ang slot hinungdan nga nangandam pagmaayo alang sa kompetesyon.
Gibutyag pa ni Richien nga ang iyang amahan ang maoy nagbansay kaniya sa GenSan og pinaagi sa naangkon niya nga kadaugan natuman usab ang pangandoy niini.
Ang iyang ka-tandem si Islay Erika Bomogao nga gikan sa Cordillera.
Gumikan sa naangkon nga gold medal ilang pangandaman ang 2023 Seagames nga matigayon sa Cambodia og laing mga international competetions.
