Gipahinumdoman sa Movie and Television Review and Classification Board (MTRCB) ang tanang operator ug drayber sa mga pampublikong sakyanan o Public Utility Vehicles (PUV) nga gi-rate lang nga “G” (General Patronage) ug “PG” (Parental Guidance and Guidance lang) ang ipatan-aw sa mga pasahero sa biyahe.
Base sa MTRCB Memorandum Circular No. 09-2011, ang mga PUV giila na nga common carriers o sinehan tungod nagpasalida kini og mga salida nga sakop sa MTRCB.
Ubos sa balaod, ang mga salida nga gipasalida sa pampublikong transportasyon kinahanglang ma-access sa tanang mga tumatan-aw, ilabi na sa mga bata.
Base sa Chapter 3, Section 1-3 sa maong Memorandum Circular, kinahanglang motuman ang PUVs sa susamang regulasyon sa mga sinehan.
Kini aron masiguro nga ang mga pelikula angay alang sa tanan nga mga biyahero ug dili adunay negatibo nga epekto sa mga bata nga nagbiyahe kauban ang ilang mga pamilya .
Kusganon nga gipahinumdoman sa Board ang mga PUV operators sa pagtuman sa maong mga lagda o ang mga makalapas niini mag-atubang og silot base sa Presidential Decree No. 1986 ug Kapitulo XIII sa 2004 Revised Implementing Rules and Regulations.
