GENERAL SANTOS CITY – Gipaklaro ni Engr. Riza Marie Paches, labaw sa Public Safety Office nga wala pay bag-ong taripa sa pamasahe sa tricycle nga gipagawas ang Motorized Tricycle Franchising and Regulatory Board kon MTFRB sa syudad.
Matud pa kang Engr. Paches nga gihimo pa ang taripa kung asa kapin sa 1,000 ang destinasyon sa angayang aksyonan.
Sa pamahayag ni Paches nga nasayod sila sa gihimong taripa sa TODA sa Bulaong terminal kung asa ilang gikwestyon ang maong patakaran.
Matud niini angayan nga makig-alayon sa ilang buhatan ang TODA aron ipatanggal ang maong taripa.
Hinoon giangkon sa maong opisyal nga halos pareho ang maong taripa sa gihimo sa MTFRB apan angayang hulaton ang opisyal nga dokomento sa syudad.
Gikadugang pa niini nga ilang unahon sa pagpagawas sa taripa kadtong kasagarang giadtuan sa mga pasahero.
Nasayran nga muagi pa sa Sangguniang Panlungsod ang maong taripa aron himuan og ordinansa una hingpit ipatuman.
