GENERAL SANTOS CITY -Mukabat sa 17 ka education graduates sa Mindanao State University (MSU) campus nalakip sa top 10 sa September 2019 Licensure Examination for Teachers (LET). Sa 17 ka topnotchers, dose niini ang lakip sa top examinees gilangkoban sa top 1 og top 2 sa elementary level og lima sa sekondarya kun diin usa niini ang Top 2, basi sa gipagawas nga resulta sa LET nga gipagawas sa Professional Regulation Commission (PRC) og Board for Professional Teachers.
Matud pa ni Dr. Maria Theresa Pelones, dean sa College of Education sa MSU-GenSan nga ang 17 ka topnotchers ang unang natigayon sa kasaysayan sa tulunghaan sa bisan unsa nga board examination.
Pinakadaghan usab nga na-produce sa eskwelahan layo sa 3 nga topnotchers aging tuig.
Si Joshua Canseco, usa ka Bachelor of Elementary Education (BEED) graduate ang usa sa tulo nga first placers sa elementary level nga may ‘rating’ nga 92.60 %.
Ang kauban nga alumni nga si Novalyn Barte, ang second placer nga nakakuha og rating nga 91.60%.
Ang uban pang top 10 placers sa elementary level mao silang Dimple Mangalon og Darlene Navarro nga top 5; Roselle Mondejar, top 6; Jessa Balcos, Nadja Dingli, Karla Quimson og George Rojas -top 7; Shekinah Grace Cabunilas og Jullymae Delgado maoy top 8 og Sitti Zhaira Sabinula top 10.
Sa secondary level, ang Bachelor of Secondary Education (BSED) graduate nga si Julean Quefannie Faith Federizo ang usa sa upat ka second placers nga nakakuha og ‘rating’ nga 92.60 %. Si Marchee Karen Diaz maoy top 5; Nasser Sabandal top 6 og pulos top 10 silang Efren Andraque Jr. og Joey Maravillas.
Katibuk-ang 94 sa 161 BEED graduates og 219 sa 270 ilawom sa BSED program sa MSU GenSan ang nakapasa sa LET.
Kahibaluan ng mukabat sa 28,973 elementary teachers gikan sa 92,440 examinees (31.34 percent) og 54,179 secondary teachers gikan sa 136,523 examinees (39.68 percent) ang nakapasa sa LET exam kaniadtong Sept. 29 sa 29 ka testing centers sa nasud, Hong Kong og Thailand.
