Gitataw sa Department of Agriculture nga dili kinahanglan nga magbutang ug Maximum Suggested Retail Price alang sa lokal nga baboy sa nasud.
Sa usa ka pamahayag, si Agriculture Secretary Francisco Tiu-Laurel Jr. namahayag nga dili kini mapatuman karong panahona tungod sa kakuwang sa suplay sa lokal nga baboy.
Siya niingon nga ang gobyerno una nga motutok sa repopulation sa industriya sa baboy sa nasud tungod sa epekto sa African Swine Fever sa industriya.
Kung kahinumdoman, gitangtang sa DA ang Maximum Suggested Retail Price niadtong Mayo 15 ning tuiga.
Bisan pa niini, target sa ahensya nga ipatuman ang MSRP sa tanang frozen imported nga baboy.
Nadiskobrehan sa ahensya nga pipila sa mga negosyante niini ang namaligya sa ilang mga produkto isip lokal nga baboy aron motaas ang presyo.
Gipahimangnoan niini ang mga magpapatigayon nga mamatud-an nga mohimo sa maong mga kalihukan nga mag-atubang sila og katugbang nga mga reklamo.
