Naglaum si Agriculture Secretary Francisco Tiu Laurel Jr. nga mas mapa-ubos pa ngadto sa ₱50 ang bawas presyo sa kada kilo sa imported rice sa unang bahin sa Marso.
Una niini, gi-anunyo ni Laurel nga ipa-ubos karong Miyerkules, February 5, ang maximum suggested retail price sa imported nga bugas sa ₱55 kada kilo para sa 5% nga broken gikan sa kanhing presyo nga ₱58 per kilo.
Kini aron nga mapagaan ang palas-anon sa mga consumer sa taas nga presyo sa nag-unang pagkaon sa nasud.
Kabahin kin isa pagpaningkamot sa Department of Agriculture (DA) nga mapalig-on pa ang presyo sa bugas ug mapagaan ang pressure sa pagtaas sa mga nag-unang palaliton.
Ang desisyon ang resulta sa halapad nga konsultasyon sa mga stakeholder sa industriya sa bugas, apil na ang importers ug retailers, aron nga masiguro nga makapanmghimulos ang mga mamalitay nga naapektuhan sa supply sa bugas.
Isip dugang konhod sa presyosa imported nga bugas, magpadayon ang DA sa hugtanon nga pag-monitor sa supply sa bugas sa mga merkado ang kondisyon sa mga palengke.
Gipaniguro usab sa DA nga makasiguro ang publiko ug igong supply sa bugas ug lig-on nga presyo samtang ginasuportahan ang pangmatagalang seguridad sa pagkaon ug ang paglambo sa lokal nga industriya sa bugas.
