Nagpabiling ubos ang pagpahulam sa mga bangko ngadto sa micro, small ug medium enterprises o MSMEs sa Pilipinas.
Base sa datos sa Bangko Sentral ng Pilipinas, P572.74 bilyon lamang ang napautang sa MSMEs hangtod sa kataposan sa Hunyo, katumbas sa 4.48 porsyento sa kinatibuk-ang P12.8 trilyong loan portfolio sa mga bangko.
Mas ubos kini kumpara sa 4.53 porsyento nga share sa miaging quarter ug layo sa kanhing 10 porsyentong benchmark alang sa MSME lending.
Matud sa mga eksperto, nakaapekto sa pagpahulam ang hinay nga kahimtang sa ekonomiya, taas nga financing costs ug huyang nga demand, hinungdan nga mas nag-amping ang mga bangko sa pag-apruba sa mga loan.
Problema usab alang sa daghang MSMEs ang kakulang sa collateral, lig-on nga cash flow, credit history ug kompleto nga financial records, nga maoy hinungdan sa kalisod sa pagkuha og bank financing.
Ang MSMEs naglangkob sa mokabat sa 99 porsyento sa mga business establishments sa Pilipinas ug naghatag og mga 63 porsyento sa trabaho sa nasud.
Sumala sa mga eksperto, posibleng anam-anam nga mosaka ang MSME lending kung
