Motibu sa pagpusil patay sa Konsehal gisundan na sa kapulisan

Motibu sa pagpusil patay sa Konsehal gisundan na sa kapulisan
GENERAL SANTOS CITY – May gisundan na nga mga suspek ang kapulisan sa Polomolok sa pagpusil patay kang kanhi ex officio member sa South Cotabato ug karon Barangay Poblacion sa Polomolok Vicente Yungco Jr nga gipusil ala una pasado kagahapon sa hapon. Gideklara nga patay si Yungco human naigo sa iyang dughan ug ulo samtang nagmaneho sa iyang sakyanan. Matud ni Lt. Col. Marvin Dua-dua, hepe sa Polomolok Municipal Police Station nga gitaparan sa riding in tandeem suspek ang Konsehal ug gipusil makaduha ka higayon. Gani nahimo pang mapadagan sa opisyal ang sakyanan bisan ug naigo na sa dughan apan gigokod pa kini ug subli nga gipusil sa ulo. Gidala pa sa hospital ang biktima apan gideklara kining dead on arrival. Gisubay usab sa kapulisan ang miaging record sa biktima human nakuhaan ug armas ug mga bala dihang subject sa search operation apan gidepensahan sa kanhi Gobernador Daisy Anavce Fuentes human giingon nga iya sa probinsya ang nahisgutang armas. Gisusi usab sa kapulisan ang giingong nakabangga ang biktima miaging adlaw nga nagresulta matud pa sa sinakitay ug didto matud pa gibaharan ang Konsehal.