GENERAL SANTOS CITY– Hustisya ang singgit sa pamilya ni Barangay Baluan Kagawad Omar Mamalumpong human nga gipusil kini sa motor in tandeem sa Dr George Royeca Boulevard Bula GenSan.
Matud ni Major Tirso Pascual sa Bula Police Station nga duha ka mga lalaki nga sakay sa motor ang responsable sa pagpamusil sa biktima samtang sakay sa motor niini paingon sa sentrong bahin sa syudad.
Matud sa opisyal nga posebling dugay na ang plano nga pagpusil sa biktima ug ginasundan na sa mga suspek.
Kini human gisakyan ni Kag. Mamalumpong ang bag-o niini nga motor samtang sul-ob ang helmet gipusil kini sa mga suspek lampas lamang sa sibyahanan sa Bombo Radyo GenSan pasado alas kwatro sa hapon.
Mismong si Baluan Brgy Captain Diamante nagbutyag nga si Mamalumpong maoy chairman sa peace and order committee sa ilang barangay.
Nagpadayon ang gihimong imbestigasyon sa otoridad sa motibo sa pagpusil sa barangay official.
