Miduol sa Korte Suprema ang grupo sa mga abogado aron mangayo nga temporaryong ipahunong ang Impeachment Trial batok kang Vice President Sara Duterte.
Gipangulohan ni Atty. Israelito Torreon ug iyang mga kaubang abogado ang pagsumiter sa Very Urgent Manifestation with Motion ngadto sa Korte Suprema.
Tumong sa maong mosyon nga magpagawas ang korte og Status Quo Ante Order aron mapugngan ang Impeachment Court, mga opisyal, representante, ug tanang personnel niini sa pagpadayon sa pagdungog, pagdawat og mga ebidensiya, o uban pang proseso sa impeachment.
Matod sa mga petitioner, gusto nila nga una usa masulbad ang ilang unang petisyon nga nagkuwestiyon sa legalidad sa sesyon niadtong Hunyo 3, 2026 nga maoy nagpabag-o sa liderato sa Senado.
Gihangyo usab sa grupo ang Korte Suprema nga magpagawas og mando nga ang impeachment trial ipadayon lamang kung nasunod ang Rules of Procedure ug kung ang awtoridad sa presiding officer wala nay giatubang nga wala pa masulbad nga constitutional challenge.
Bisan pa niini, gipatin-aw sa grupo nga ang ilang mosyon dili may kalabotan sa politika, kundili kabahin sa pagkabalido ug pagkaangay sa balaod sa pagdungog sa impeachment case batok kang Vice President Sara Duterte.
