GENERAL SANTOS CITY – Nasikpaw sa mga sakop sa kapulisan ang usa sa giila nga most wanted person sa precinct level nga adunay duha ka kaso nga rape.
Giila ni Police Major Benjur Catcatan sa Lagao Police Station ang ilang dinakpan nga si Rogelito Mulan, naa sa hustong pangidaron , residenti sa Lun Padidu, Malapatan, Sarangani Province.
Giasoy sa opisyal nga nasiplatan sa iyang mga sakop ang nahisgutang wanted person samtang anaa sa NLSA Road, Barangay Lagao niining dakbayan.
Human makompirma nga adunay warrant of arrest sa kaso nga rape sa sala ni RTC 22 Judge Jose Blanza Jr. gilayon na nila kining girespondihan ug gidakop.
Human mapresenta ang kopya sa warrant of Arrest gilayon nga miuban ang suspek sa presento.
Nasuta nga kaniadto pang Enero miaging tuig migawas ang kamandu-an sa korte aron dakpon ang nahisgutan.
Posebli matud pang niining semanaha mugawas na ang commitment order aron mabalhin na sa gensan City Jail ang nahisgutang dinakpan.
