-- ADVERTISEMENT --
GENERAL SANTOS CITY – Gikatakdang magpahigayon unyang gabii ug moonsighting ang mga tumuluo sa Islam.
Kini isip kabahin sa ilang tradisyon aron masayran kung ugmang adlawa gayud, Hunyo 15 ang Eidl Fitr o kahumanan sa Ramadan.
Matud pa ni Atty. Guialel Kanda ang field director sa NCMF nga bisag gideklara na ni Pangulong Rodrigo Duterte nga holliday sa tibuok Pilipinas ang Hunyo 15 gumikan sa Eidl Fitr, apan dili pa sigurado ug magdepende kung makit-an ang bulan unyang gabii.
Kon ugaling makit-an ang bulan, nagpasabot kini nga ugmang adlawa ang Eidl Fitr. Apan kon dili, posibleng sa Hunyo 16.
Kahibaluan nga matag tuig, ginapahigayon sa mga kaigsuunang muslim ang selebrasyon sa MSU high school campus.
-- ADVERTISEMENT --
