Posibleng mubalik pa ang gikonsiderang Monster ship sa China Coast Guard sa Sabina shoal sumala kang West Philippine Sea monitor og US Maritime Security expert Ray Powell.
Sa iyang pamahayag, mihawa ang maong Chinese vessel sa shoal isip parte sa normal rotation niini.
Kahinumduman nga kaniadtong nakalabay nga semana dihang mihawa ang monster ship sa Sabina shoal kung asa nagbantay ang barko sa Philippine Coast Guard nga BRP Teresa Magbanua.
Matod pa kang Powell, base sa iyang obserbasyon sa monster ship, anaa sa 45 ka adlaw ang standard time sa pagpabilin sa dakong barko sa China una ang ilang rotation.
Gideploy ang monster ship sa shoal kaniadtong Hulyo 3 og mihawa kaniadtong Agosto 10 sumala sa PCG, nga nagpabilin sa katibuk-ang 38 ka adlaw.
Gibutyag ni Powell posibleng nakabalik na sa Hainan island ang maong monster ship.
Gipadala usab nga kapuli niini ang mas gamay nga CCG vessel nga adunay bow number nga 5303.
