GENSAN- Gipaabot nga magtapok ang Pacquiao Clan alang sa ika-76 nga adlawng natawhan sa inahan ni kanhi Senador Manny Pacquiao nga si Dionisia Pacquiao.
Si Mommy D adunay simple nga birthday celebration nga ipahigayon sa The Word For Everyone Ministries International Inc. sa Brgy. City Heights, GenSan.
Motambong ang iyang mga anak nga gipangulohan sa magtiayong Manny ug Jinkee Pacquiao, mga apo, ug mga paryente ug suod nga higala.
Gipaabot usab ang reunion tali sa iyang kanhi bana nga si Rosalio Pacquiao ug sa iyang partner karon nga si Mike Yamson.
Sa interview sa Bombo Radyo GenSan kay Mommy D, gibutyag niini nga ang birthday wish niya nga mabuhi hangtod sa kapin sa 100 anyos.
Matod niya nakadawat siyag kuwarta gikan sa iyang mga anak isip regalo sa adlawng natawhan.
Adunay misa nga gipahigayon sa kapilya sa compound sa balay ni Mommy D kaganihang buntag og adunay gamay nga salu-salo para sa iyang mga bisita.
