GENERAL SANTOS CITY – Giangkon ni Mommy D nga duha ka pelikula ang gitanyag kaniya nga pagahimuon.
Apan gibutyag niini nga managsama niya kining gipangbalibaran gumikan medyo luya pa tungod sa nasinatiang sakit ug kanunay’ng anaa sa ospital kung asa dili matud pa niya kaya.
Hinuon, may gikatakda matud pa siyang himuong usa ka tv commercial alang sa usa ka pawnshop.
Samtang, dihang gipangutana sa iyang birthday wish, gibutyag ni Mommy D nga gawas sa handom nga magmaayo na sa sakit ug makaabot pa sa edad nga 70 anyos, wala na matud pa siyay gihandom pa ug mapalasamaton sa grasya nga iyang nadawat, lakip na sa iyang mga buutan nga mga anak nga kanunay’ng nagmahal kaniya, ug sa iyang hinigugma nga maoy kanunay’ng gauban ug gaatiman kaniya matag adlaw.
