GENERAL SANTOS CITY – Gipang-imbargo sa mga otoridad ang motorsiklo nga adunay illegal attachment sa gipahigayong operasyon sa pagpanguna sa Highway Patrol Group (HPG) 12.
Matud ni P/Major Roel Villarin, deputy chief sa HPG 12 tumong sa operasyon nga ipatuman ang balaud sa nasud kalabut sa road safety.
Gikumpiska nila sa Barangay Labangal ang pipila ka motorsiklo nga nasayran nga na-modified.
Sa pamahayag sa nasampit nga opisyal nga ang paggamit og modified nga sakyanan ang pagsupak ilawom sa Republic Act 4136.
Dugang pa ni Villarin nga gi-inspeksyon usab sa HPG-12 ug sakop sa Makar Police Station ang pipila ka motorcycle shops nga nag-assemble og motorsiklo.
Kahinumduman nga Lunes, mukabat sa 20 ka modified nga motorsiklo ang ilang nadakpan sa tibuok rehiyon.
Samtang gibutyag sa opisyal nga mukapin sa 500 ka mga motorsiklo ang nadakpan tungod sa lain laing bayolasyon hinungdan nga gi-impound.
