Apil sa mga Pinoy nga paboritong multiplayer online battle arena (MOBA) games nga Mobile Legends: Bang Bang ug Honor of Kings nga ipasundayag sa 2026 Asian Games sa Aichi-Nagoya, Japan.
Gianunsyo sa Olympic Council of Asia ang 11 ka esports titles nga mahimong events sa Dula nga naglakip sa duha ka duwa nga sikat sa mga Pinoy.
Gawas sa MLBB ug HOK, ang Asian Games moapil usab sa Pokemen Unite, League of Legends, PUBG Mobile: Asian Games Version, Identity V: Asian Games Version, Naraka: Baldepoint, Gran Turismo (7), Efootball Series, Puyo Puyo Champions, ug Competitive Martial Arts (Street Fighters Series, Tekken, ug King of Fighter) isip medalya.
Nasayran nga ang Pilipinas maoy gitawag nga most successful country sa MLBB, human nakadaog og lima sa katapusang unom ka world championships ug nahimong labing malampusong nasud sa Southeast Asian Games nga adunay tulo ka sunodsunod nga gold medals.
Ang esports unang gipakita sa Asian Games niadtong 2018 apan isip demonstration sport lang.
Ang esports gihatagan og bug-os nga status sa medalya sa 2023 nga edisyon sa China.
