-- ADVERTISEMENT --
Gipahibalo sa militar sa Israel nga ilang napugngan ang usa ka missile nga gilusad gikan sa Yemen nga gitunong sa Israel atol sa usa ka pag-atake nga giangkon sa grupong Houthi.
Sukad nagsugod ang gyera tali sa Israel ug Hamas niadtong Oktubre 2023, padayon ang paglusad og mga missile sa mga Houthis, usa ka grupo nga suportado sa Iran, isip pakig-uban sa mga Palestinians sa Gaza.
Kadaghanan sa ilang mga missile wala nakaabot sa tumong o napugngan sa sayo pa.
Matod sa military spokesperson sa Houthi nga si Yahya Saree, ilang gikompirma nga sila ang responsable sa pag-atake niadtong Domingo ug ilang gilusad ang missile padulong sa Ben Gurion Airport nga duol sa Tel Aviv.
