Gianunsyo na sa Miss Universe Philippines organization ang coronation date og venue para sa pageant karong tuiga.
Bantayan kini sa Mayo 2, sugod alas sais sa gabie sa Mall of Asia Arena sa Pasay City.
Gikatakda usab nga ipagawas ang dugang nga mga impormasyon kalabot sa ticket details.
Mukabat sa 69 ang mga kandidata ning tuiga nga mag-indigay sa korona.
Lakip sa pamilyar nga mga nawong og beterana na sa pageant stage mao silang Miss Earth-Air 2023 Yllana Marie Aduana (Siniloan, Laguna), Reina Hispanoamericana 2017 Teresita Ssen “Winwyn” Marquez (Muntinlupa City), Miss Universe Philippines 2024 Second Runner up og Miss International 2018 First Runner up Ahtisa Manalo (Quezon, Province), Miss Globe 2022 semi-finalist Chelsea Fernandez (Sultan Kudarat), og Reina Hispanoamericana 2019 Fifth Runner up Katrina Llegado (Taguig City).
Karon nga edisyon, bag-o usab ang national director nga mao si Ariela Arida. Ang sunod nga winner mao ang maghulip kang Chelsea Manalo og mao ang mahimong representante sa Pilipinas sa 74th Miss Universe pageant sa Thailand sa Nobyembre 21.
