GENERAL SANTOS CITY – Deserve matud pa ni South Africa’s Demi-Leigh Nel-Peters nga maangkon ang Mikimoto crown human midaug isip bag-ong Miss Universe ning tuiga.
Sa pakighinabi sa Bombo Radyo, gibutyag ni Rain Ramas, usa ka pageant enthusiast malipayon siya nga midaug ang pambato sa South Africa nga sa sinugdanan pa sa coronation event favorite na niya kining mudaug.
Matud niini, overall package ang gipangita sa mga judges alang sa sunod nga maghupot sa titulong Miss Universe kung asa anaa kini kay Miss South Africa.
Sa pamahayag ni Ramas, ‘cute’, smart og charming’ si Miss South Africa gawas pa nga usa sa mga crowd favorite dungan sa coronation night.
Nagtuo usab nga anindot nga personalidad sa bag-ong nagdaug nga Miss Universe nga kung asa confident, dili kabado og palangisi ang nagpadaug niini.
Luyo niini, giangkon sa inilang interior designer dinhi sa syudad nga bilib siya sa tubag ni Miss Jamaica sa Final Question & Answer Portion.
Samtang, gibutyag usab ni Ramas, nga ‘manufactured og tipikal ra kaayo ang kagandahan ni Ms. Colombia kung Miss Universe pageant ang hisgutan.
Nasayran nga giangkon ni Ramas nga daw naibtan siya ug tunok sa dughan human nga gitawag ang Ms. Philippines nga lakip sa wild card.
