Maghulat pa ug laing kahigayonan ang Pilipinas nga maangkon ang unang korona sa Miss Cosmo International. Kini human
napakyas ang representante sa Pilipinas nga si Ahtisa Manalo nga makasulod sa Top 5 sa labing unang edisyon sa pageant atol sa coronation night niini sa Ho Chi Minh, Vietnam.
Si Manalo ang napili nga morepresenta sa Pilipinas sa inaugural Miss Cosmo pageant human sa iyang second runner-up finish sa Miss Universe Philippines 2024.
Nadaog ni Ketut Permata Juliastrid Sari sa Indonesia ang korona sa Miss Cosmo 2024. Ang Indonesian beauty maoy milabaw sa laing 55 ka mga kandidata sa kompetisyon.
Si Karnruethai Tassabut sa Thailand maoy napili nga first runner-up.
Ang ubang mga mananaog sa kompetisyon mao ang:
Impactful Beauty Award: Singapore
Cosmo Beauty Icon Award winner: Indonesia
Best In Evening Gown: Vietnam
Woman Leadership Award: Nigeria
Cosmo Tea Beauty Ambassador: Philippines
Cosmo Social Ambassador: Cambodia
Best In National Costume: New Zealand
Cosmo Peoples Choice Award: Philippines
