Gipagawas na sa Federal Bureau of Investigation ang ilhanan sa gunman ni kanhi US President Donald Trump. Giila ang suspek nga si Thomas Matthew Crooks, 20-anyos gikan sa Bethel Park, Pennsylvania.
Base sa imbestigasyon nga misaka ang suspek sa rooftop ug didto gihimo ang pagpamusil . Gilayon usab kini nga napatay sa mga nakadestino nga Secret Service ang suspek.
Ang naasoy nga insidente ang nagresulta usab sa pagkapatay sa usa ka rally attendee samtang laing duha ang kritikal ang kundisyon. Nakaangkon ug samad pinusilan si Donald Trump human maigo ang tuo nga bahin sa dalunggan .
Matud pa gipalibutan sa mga otoridad ang balay sa suspek sa Pennsylvania alang sa dugang imbestigasyon.
Nagtapos sa Bethel Park High ang suspek kung asa ang pusil nga ginamit matud pa ang panag-iya sa iyang Amagan.
Bisan walay gipagawas nga motibo ang mga otoridad apan klaro matud pa nga matang sa “assasination attempt” sa kanhi pangulo ang nahitabo. Nagtrabaho ang suspek sa Bethel Park Skilled Nursing and Rehab kung asa nadestino sa kitchen.
Ang suspek registered Republican basi sa state voter records.
