Mipatay sa usa ka lalake sa Tupi, South Cotabato wala pa mailhan

GENERAL SANTOS CITY – Wala pa matumbok kung kinsa ang mipusil patay sa usa ka lalake sa Purok Malipayon, Barangay Lunen, Tupi, South Cotabato.

Giila sa Tupi Municipal Police Station ang biktima nga si Charlito Orencio 63 anyos residente sa maong lugar.

Nagbaktas lamang ang biktima aron pagtugway sa iyang kanding dihang gipusil sa likod nga bahin.

Mga samad sa lawas ang naangkon sa biktima human maigo sa makadaghan nga higayon sa mga bala sa caliber .45 nga pistola sa wala maila nga suspek.

Paspas mipalayo sa lugar ang wala maila nga lalaki .
Nakuha sa crimescene ang upat ka basiyo sa pusil nga gisusi na sa PNP crime laboratory.

Migawas sa pakigsusi sa mga otoridad nga wala pay matudlo nga hinungdan sa pagpusil patay sa biktima.